【運費比較懶人包】4大熱門網店物流 – 內地寄香港篇

網店店主除咗要兼顧入貨、執貨、同埋客服之外，出貨嘅物流亦非常重要但同時令店主非常頭痕嘅一樣安排。好嘅物流安排大大縮短到貨時間同減低運費，增加顧客購買意欲。市面上而家咁多間速遞物流公司，究竟邊間先係快靚正？ 

上一個Blog就同大家整合咗 5大熱門本地網店物流 ，今次就嚟同大家比較吓4間內地物流公司俾各位店主參考。唔少商家都經常需要由內地將貨物寄返香港，所以今次我哋嘅運費比較會選擇由內地寄香港作比較，等各位店主根據自己嘅訂單需要同服務承諾選擇適合嘅速遞公司，增加客人回頭率！因為大部份內地物流公司都係按地區收費，所以我哋會以五個地方作為例子俾大家參考：北京、上海、重慶、廣州同深圳。

1) 順豐速運

順豐相信大部份香港人都唔陌生，業務發展成熟，服務質素同效率都一定有所保證，有運單追蹤號碼可以隨時追查包裹狀態。順豐喺中國內地的營業網點超過12,000個，遍佈華南、華東、華中、華北等地區。

商家可以選擇順豐標快(包裹)和順豐特快將貨物由內地寄香港，順豐標快(包裹)運費比順豐特快平，不過前者需時約4日而後者只需3日，另一樣需要注意嘅係順豐標快(包裹)未有提供由廣州同深圳寄往香港嘅服務。

2) 中通快遞

「三通一達」係指國內4間有名的速遞公司，三通指：圓通速遞、申通速遞、中通快遞；一達指：韻達快遞。截止2020年第三季度，「三通一達」、京東物流和順豐控股這6家公司的市場佔有率已經高達84.47%，已經達到了相對壟斷的地步。由於京東物流、韻達速遞和申通快遞沒有喺香港提供服務，所以今次就為大家比較「三通一達」嘅淨底兩間同埋順豐。 

中通快遞由北京同重慶寄香港運費嘅首重(1kg) 係¥23 (~HK$26.5)，續重每公斤分別為¥13 (~HK$15) 同¥11 (~HK$13)；上海寄香港首重¥20 (~HK$23)，續重$9 (~HK$10)；廣州同深圳寄香港首重¥18 (~HK$21)，續重¥6 (~HK$7)。同順豐比較，中通快遞比順豐標快(包裹)貴但比順豐特快平，中內地通寄香港約需時4日。

3) 圓通速遞

順豐和中通快遞運費均接不同地區收費，相反圓通速遞無論喺內地任何地方寄香港都係劃一收費，首重(1kg) ¥32 (~HK$37)，續重 ¥7 (~HK$8)，預計運送時間需要4日。

4) 4PX遞四方（香港）

4PX遞四方（香港）是隸屬於4PX遞四方旗下的全球海淘轉運服務，4PX遞四方香港提供中國內地、美國、英國、中國香港等國家和地區至中國香港包裹轉運服務。圓通速遞和4PX一樣無論國內任何地方都係劃一收費，4PX 首5kg $53.5，其後續重每1kg $8。同以上三間速遞公司比較，以5kg嘅包裹嚟比較4PX係最平（$53.5），即使係比較平嘅順豐標快(包裹) 5kg都要$68。

總結